lipu pi jan Sate

toki ante: TOK | QSS | EN

ijo mi | sitelen | pali mi | esun

ilo nena: nasin pana pi sitelen "Unicode" tawa nasin mute pi ilo sona

ilo nena li ken pana e sitelen "Unicode" pi sitelen pona tawa ilo sona. nasin sitelen ni li lon: nasin lupa "Windows" en nasin waso "Linux" en nasin kili "Mac OS" en nasin Lasin.

ni li nasin sitelen pi nimi Unicode "U+F1900" kepeken nasin ali:

nasin lupa

nasin lupa la jan o kama jo e ilo "WinCompose". ni la ilo nena li pana e nimi ni tawa ilo sona:

• R-Alt -> u -> f -> 1 -> 9 -> 0 -> 0

lon nasin lupa la nasin sitelen "Unicode" ante li lon. ona li nasin "Alt code". taso nasin "Alt code" li pakala lon ma mute. tan ni la ilo nena o kepeken ilo "WinCompose" e ilo "Alt code" ala!

nasin waso

nasin waso la ilo nena li kepeken nasin CTRL+SHIFT+U. ni la ilo nena li pana e nimi ni tawa ilo sona:

• CTRL+SHIFT+U -> f -> 1 -> 9 -> 0 -> 0

nasin kili

nasin kili li jo e nasin sitelen "Unicode Hex Input". jan o anu e nasin sitelen ni. ni la ilo nena li pana e nimi ni tawa ilo sona:

• Option -> d -> b -> 8 -> 6 -> d -> b -> 0 -> 0

nimi "DB86DB00" li nasin sitelen "UTF-16" pi nimi "U+F1900".

nasin Lasin

ilo nena kin li ken pana e sitelen Lasin. ni la nimi "U+F1900" li kama nimi "a". nimi "U+F1901" li kama nimi "akesi". ni li sitelen "Unicode" ala. taso ilo sona ali li ken kute e nasin Lasin.

suno "Numlock" en suno "Capslock"

ilo nena li wile e ni: suno "Numlock" li lon, suno "Capslock" li weka. suno li sama ala wile ona la, ilo nena li pilin e nena li ante e suno.

ni li pini!

kepeken sona ni la sina ken pali e ilo nena "Unicode" sin. tenpo kama la mi wile pali e sitelen sin li pana e sona sin pi ilo nena mi tawa sina. o awen pona a!

(C) 2025 jan Sate li pali e lipu ni