ijo mi | sitelen | pali mi | esun
jan ali o! tenpo ni la kalama musi sin mi pi toki pona li kama lon! nimi ona li "len noka wan li kama weka kepeken jan Raine Rena".
kalama musi ni li musi li nasa. sitelen tawa pi kalama musi ni li lon.
o lukin e ni: ijo ike suli li tawa jan Rena! a a a a! :D
sina wile ante e kalama musi ni e sitelen tawa ni la, o kepeken ijo anpa:
o sona e ni: jan kalama li jan "Raine Rena". mama ona li jan "suyu". sina wile kepeken jan "Rena" la o toki tawa jan "suyu".
mi pali e kalama musi ni kepeken nasin ni:
kalama mi li ike. tan ni la mi kepeken ala uta mi. mi pali e kalama jan kepeken ilo OpenUtau. kepeken ilo ni la mi ken kepeken jan kalama mute. ona li sona e toki Nijon e toki Inli li sona ala e toki pona.
jan "Raine Rena" taso li ken pali e kalama pona pi toki pona. tan ni la mi kepken ona.
mi jo e kalama jan la mi pana e ona tawa ilo Ardour. mi pali kin e kalama musi kepeken ilo Ardour. tenpo nanpa wan la mi kepeken ilo Ardour:
mi pali e sitelen kepeken ilo Inkscape. tenpo nanpa wan la mi pali e sitelen meli pi ma Nijon. mi pilin e ni: mi ken ala sitelen e jan "Rena". taso mi alasa sitelen e ona la, mi kama sona e ni: mi ken sitelen e ona:
mi kin li sitelen e ijo ante:
tenpo nanpa wan la mi kepeken ilo Friction 2D. mi pali e sitelen tawa kepeken ona. tenpo pini la mi kepeken ilo Synfig. mi pilin e ni: ilo Friction 2D li wawa. ilo Synfig li wawa ala.
mi pana e sitelen tawa ali en kalama musi tawa ilo Kdenlive. ona li kama wan:
mi pana e toki Inli tawa sitelen tawa mi kepeken ilo Aegisub. mi kepeken ilo ffmpeg kin.
jan ni li lon ala la mi ken ala pali e sitelen tawa ni:
pona suli tawa sina ali a!
mi wile musi e musi Kensin e musi Patolijo. mi kin li wile lukin e sitelen tawa pi ma Nijon.
mi wile pali e ilo nena kepeken nasin Wakalito.
o lukin e sitelen tawa nasa ni! o kute pona e kalama musi ni! o pilin musi! sina wile la o ante e ona! :)
(C) 2025 jan Sate li pali e lipu ni