ijo mi | sitelen | pali mi | esun
nasin toki Sije "CHIP-8" (kepeken toki Inli) li nasin toki pi ilo sona pi tenpo pini. ona li lili li pona mute.
tenpo pini la jan mute li pali e musi e ilo kepeken nasin Sije. ilo mute li ken kepeken nasin Sije.
tenpo suno ni li tenpo suno pi pali ala. mi wile e musi li pali e ilo Sije. mi pilin e ni: mi wile kepeken tenpo suno luka. taso mi pini e ona kepeken tenpo suno wan. mi pilin wawa.
mi pana e ilo mi tawa ma Kika "Github". o lukin lon ma ni (kepeken toki Inli): ilo pi toki Sije "CHIP-8" pi jan Sate
jan li pali e ijo namako tawa nasin Sije. ilo Sije mi li sona ala e namako ni.
ilo Sije mi li wawa ala. ona li pali lili kepeken tenpo mute.
mi musi e musi Sije kepeken ilo mi.
mi sona ala e ni: tenpo kama la mi wile pali e seme kepeken ona. ken la mi wile pali e musi tawa ona. ken la mi wile wawa e ona.
o lukin e sitelen ante!
(C) 2025 jan Sate li pali e lipu ni