ijo mi | sitelen | pali mi | esun
ni li ijo pi suli mute a!
pali pi ilo musi 8 li pini a! ona li ilo musi pi nasin "CHIP-8".
mi pilin e ni: ilo musi pi nasin "CHIP-8" la ilo musi 8 li pona nanpa wan. ni li ilo musi "CHIP-8" tan jan ante. ona ali li ike lili:
mi pali e musi sin pi nasin "CHIP-8" tan ilo musi 8:
sina ken lukin e musi ni lon ma ni: musi CHIP-8 pi jan Sate lon lipu Github
tenpo pini la mi lukin pali e ilo musi ante. mi pali e nasin musi sin. taso mi ken ala pini e ilo musi ni.
tenpo ni la mi pali e ilo musi 8. ona li kepeken nasin "CHIP-8". mi pali ala e nasin musi sin.
ilo musi 8 en ilo musi mi pi tenpo pini li sama ala. taso mi pilin e ni: ilo musi 8 li pona mute. jan li pali e musi tawa ilo musi 8 la jan li ken musi e musi sama lon ma ante tan ni: ilo mute li ken kepeken nasin "CHIP-8".
ilo musi 8 li jo e selo. mi pana e ijo mute insa poki pi ilo musi 8:
pini pali pi ilo musi 8 li suli mute tawa mi.
mi kin li pana e sitelen Sate tawa ilo musi 8. ma ali la ilo ni taso li jo e sitelen Sate. o lukin:
tenpo pini suli la mi wile pali e ilo musi. wile mi li suli. taso mi pakala. pali mi li pini ala. tenpo ni la mi pali sin e ilo musi. pali mi li kama pini. ni li suli mute tawa mi a!
mi o musi e musi Kensin. tenpo pini lili la mi musi ala e ona tan ni: mi wile e tenpo pali pi ilo musi 8.
mi o sitelen e lipu sin lon lipu Sate. lipu sin ni li pana e sona pi ilo musi 8. mi o weka e pakala pi ilo nena mi. mi o ante e lipu Sate. mi o pali e ilo nanpa sin e ilo tenpo.
(C) 2025 jan Sate li pali e lipu ni